Krick : Tou lé jou, goligo k'alé la pi, ou jou li ka rété.
Krak : C'est l'histoire de Chiko, le poseur de pièges.
So fanm di li : Chiko, to fingnan bokou, to ka tchoué trôp jibié, arété sa zafè-a, oun malô pouvé rivé to, alé travail mosso.
Chiko réponn li sa wonm, so zafè ka rougadé li ounso. Oun jou Chiko passé divan oun bi trou viann.
Li di : Fanm wo, assouè, mo ka pran oub papa tatou.
Li monté so trap fizi divan trou-a. Li pran chanté :
A filia banko sou ma oué,
Zannimo pa koonèt doulô kréien.
Lô li rétournin, li trouvé trap fizi déméré bô trou. Li roumonté so trap épi li pran crié : Moun ki déméré mo trap, si mo kinbé to, ma wa kayakaya to.
Krik ! Krak !
Lô li délivré, li trouvé douz piti wonm divan trou-a. Sa té maskilili ki pran rélé : Chiko, to fè assé, to massakré trôp jibié. Jod'la to ké péyé.
Yé trinnin li andidan trou-a, yé bat-li, yé bat-li épi yé jitè li dôrô. Pou mouké li yé chanté :
Sine, sine sikilili, panga Chiko
Sine, sine sikilili, panga Chiko
Chiko rantré la kaz plin ké dissan ; So fanm ka doumandé : To bléssé, ki sa ki rivé ?
Fanm wo, diti, tou lé jou to té ka palé mo, mo pa té ka kouté to, to gain rézon. Jod'la : Karin diré santan, jou di Pak li fini.