Dans ce conte en créole guyanais, le récit biblique prend les mots, le rythme et les images de notre tradition orale.
Une histoire connue, racontée autrement.
Ou miti ou mitiba.
Tiyou !
Faïdéba ?
Gadou, Bon Guié boni, fè siel ké té ké oun wonm li aplé Adam ké oun fanm li aplé Eve. Li mété yé la oun péy ki té gangnin bokou man-niok, bokou posson, bokou jibié ké fnam.
Gadou di yé : mo pitit, zôt pouvé bouè manjé ké dronmi sans travail. Mé mo ka doumandé zôt kichoz : pa jin manjé sa grinn ki assou sa pié boia. A serpan sèl ka manjé li. Si gnin'nan tonbé, pa rammassé li, pa gouté li. Si zôt pa kouté mo, malô wa rivé zôt !
Lô Gadou pati, serpan bail Adam grin-nan. Adam sonjé sa Gadou té di li. Li roufizé.
Serpan alé bail Eve grin-gnan. Eve roufizé épi li aksepté. Eve manjé li. Eve trouve grin-nan chouit, li ofri Adam.
Adam di : Tô fol, Eve. To pa té divèt kouté serpan. Gadou ké kôlé.
Eve di grin-an chouit bokou épi li nsisté pou Adam manjé li. Adam gouté ti mosso. Li trouvé li bon. Li manjé roun grinn antié.
Lô Gadou savé, ki kôlè, li aplé yé.
Adam di : A Eve, Gadou, ki fè mo majél.
Gadou di yé : Tan pi pou zôt, alé koté zôt wlè. To, Adam, ti ké travail, pou rékolté zignam ké man-niok.
Fô to péché, fô to chassé pou to viv.
To Eve, to ké fè pitit, a to pou lévé.
Gadou koupé kat pat serpan pou pini li. Gadou di li : To ké maché assou vant. A dipi sa tan-a serpan ka ranpé.
Ou miti ou mitiba
Texte d’Auxence Contout, extrait de La Guyane, ses contes, ses devinettes, ses croyances, ses monuments.